Comunidade de Montes de Vincios

Ciclo de montaña, medio ambiente e cambio climático

A quinta edición deste ciclo de conferencias, celebrada en Vigo do 24 ao 26 de marzo de 2026 co apoio do Concello e a Universidade de Vigo, reunirá tres xornadas inspiradoras: o alpinista Alex Txikon falará da montaña como escola de vida, a naturalista Odile Rodríguez de la Fuente abordará a crise ecosocial e o legado do seu pai Félix, e o director Mariano Baratech pechará o ciclo presentando solucións reais fronte á emerxencia climática a través da serie documental Hope! Estamos a tiempo.

Touba do Brión

A Touba do Brión é unha das xoias escondidas dos Montes de Víncios. Esta cova, situada debaixo do Curro, garda entre as súas pedras séculos de historia, lendas e memoria popular que aínda hoxe viven na voz das xentes do lugar.

Cartografías Sensibles

Cartografías Sensibles é un proxecto que aposta pola defensa e a posta en valor do patrimonio da parroquia de Vincios e da Serra do Galiñeiro. Trátase dunha achega virtual a unha realidade territorial rica e complexa a través de mapas que nos fan descubrir historias, topónimos, muíños, covas, penedos, xacementos arqueolóxicos, lendas, músicas e tantos outros elementos que configuran a identidade deste lugar. A Comunidade de Montes de Vincios leva anos promovendo a multifuncionalidade dun espazo vivo, con infinidade de posibilidades tanto productivas como ambientais ou de lecer. Unha contorna especial na que conviven os usos dos recursos naturais coa paixón pola natureza en todas as súas formas e actividades, así como coa conservación das tradicións, dos valores naturais e do patrimonio cultural.

Os Padróns - Fervenza de Zamáns

Merendeiro do Galiñeiro- Pedra das Procesións( Petróglifos Auga Da Laxe)

Touba do Brión